A Asociación Alexandre Bóveda informa que o vindeiro venres 3 de febreiro terá lugar a presentación do libro 101 Falares com jeito de Fernando Corredoira.

Será ás 20:00 h. no salón de actos da asociación, con entrada aberta. 

Fernando Vasques Corredoira naceu en Santa Uxía de Riveira e viviu desde pequeno na Coruña. Traductor e licenciado en Filoloxía Galego-Portuguesa na Universidade da Coruña  

A Asociación Alexandre Bóveda informa que o vindeiro xoves 2 de febreiro terá lugar a presentación do CD Isto é galego de Cuac FM.

Será ás 20:30 h. no salón de actos da asociación, con entrada aberta. 

A Asociación Alexandre Bóveda informa que o vindeiro xoves 26 de xaneiro terá lugar a presentación do libro Perspectivas sobre Bóveda: Ensaios e poemas polo seu 75º cabodano.

No libro participaron os seguintes autores: María Pilar García Negro, Xosé Antón Pena Beiroa, Victorino Pérez Prieto, Justo Beramendi, Engracia Vidal Estévez, Uxío-Breogán Diéguez Cequiel e David Otero. 

Será ás 20:30 h. no salón de actos da asociación, con entrada aberta. 

A Asociación Cultural Alexandre Bóveda vén de conmemorar o 75º cabodano de Alexandre Bóveda. Durante 2011 celebramos numerosas actividades conmemorativas desta efeméride coa finalidade de divulgarmos entre a cidadanía galega a figura de Bóveda, tan interesadamente esquecida polos poderes políticos do noso país. Como remate a todas estas actividades, temos a honra de publicarmos o presente libro: Perspectivas sobre Bóveda. Nel recóllense sete artigos doutras tantas destacadas persoas do ámbito cultural e político da Galiza que fan unha reflexión da figura e do pensamento de Bóveda desde variadas perspectivas. Tencionamos con isto que o público lector poida enformar unha imaxe actualizada e ampla sobre Alexandre Bóveda. Os sete contributos están acompañados por poemas de diversos escritores e escritoras que enviaron os seus textos manuscritos para a realización dunha exposición conmemorativa do 75º cabodano de Bóveda realizada no verán de 2011. 

A Asociación Alexandre Bóveda informa que o vindeiro xoves 19 de xaneiro terá lugar a presentación do libro Guerra de Grafias, conflito de elites de Mário Herrero Valeiro.

O libro está editado pola AGAL.

Será ás 20:00 h. no salón de actos da asociación, con entrada aberta. 

Mário Herrero Valeiro é licenciado e doutor en Filoloxía Hispánica. Poeta e destacado investigador en sociolingüística, especialmente na problemática de planificación lingüística e da normalización do galego.