A Asociación Cultural Alexandre Bóveda informa que o vindeiro mércores 23 de xuño, terá lugar a tradicional Xuntanza de San Xoán da nosa entidade.

 Será a partir das 21:00h.  no Mesón Paredes (enfrente a asociación) e como sempre teremos oportunidade de compartir unhas sardiñas para darlle paso o verán.   

A Asociación Cultural Alexandre Bóveda informa que o vindeiro xoves 17 de xuño, terá lugar a segunda conferencia do Ciclo sobre o cambio climático en conmemoración do Ano Mundial da Biodiversidade que estamos a celebrar no 2010. 

Esta nova conferencia baixo o título Por que non nos cremos o cambio climático?
, será impartida por Verónica Campos, experta do CEIDA.

Será ás 20:30 h, no salón de actos da asociación, con entrada libre. 

A Asociación Cultural Alexandre Bóveda informa que o vindeiro venres 11 de xuño, terá lugar un Recital poético a cargo de Enma Pedreira.

A autora xunto con Teresa Seara e Eva Veiga lerán  poemas do traballo Xoguetes póstumos e dun novo traballo en preparación. Tamén nos acompañará a ilustradora Ana Cibeira con algunhas das súas obras que acompañaron o último libro de Enma Pedreira. 

 Será ás 20:00 h, no salón de actos da asociación, con entrada aberta.

A Asociación Cultural Alexandre Bóveda informa que o vindeiro xoves 10 de xuño, comezará un Ciclo de conferencias sobre o cambio climático en conmemoración do Ano Mundial da Biodiversidade que estamos a celebrar no 2010. 

A conferencia inaugural do ciclo será Aspectos xerais sobre o cambio climático

e será impartida por Salvador Fojón

Será ás 20:30 h, no salón de actos da asociación, con entrada libre.