A Asociación Cultural Alexandre Bóveda informa que con motivo do Día da Galiza Mártir (17 de agosto) e en conmemoración da morte de Alexandre Bóveda levaremos a cabo os seguintes actos: 

·        Luns 16 de agosto:    Acto central ás 20:00h en Homenaxe a Alexandre Bóveda no Paseo Alexandre Bóveda da Coruña (zona Catro Camiños). En colaboración coa Concellaría de Cultura do Concello da Coruña.

Intervencións institucionais e ofrenda floral ao pé do monumento a Bóveda a cargo da Concelleira de Cultura do Concello da Coruña, Dna. Mª. Xosé Bravo, de D. Roberto Catoira, presidente da nosa entidade e do secretario da Real Academia Galega, D. Xosé Luís Axeitos.

Actuación musical e reparto de flores, dípticos e bandas deseñadas

sobre Alexandre Bóveda.

• Martes 17: Participación nos actos do Día da Galicia Mártir que organiza a Fundación Alexandre Bóveda, da que somos parte, en Poio (Pontevedra).

A Asociación Cultural Alexandre Bóveda informa que dentro dos actos de homenaxe a Lois Peña Novo que estamos a realizar  en colaboración coa Concellaría de Normalización Lingüística, o vindeiro xoves 8 de xullo, terá lugar conferencia

de Manuel Roca Cendán sobre Lois Peña Novo,

en conmemoración do aniversario da primeira intervención en galego

dun político nun acto institucional.

A Asociación de Escritores en Lingua Galega organizará o vindeiro xoves 15 de xullo un acto cívico e reivindicativo en lembranza do traslado dos restos mortais de Rosalía de Castro que se desenvolverá dacordo ao programa que se adxunta.

Desde a Asociación Cultural Alexandre Bóveda  estase organizando o desprazamento a Compostela en autobús que sairá ás 16:30 horas da Praza da Palloza da Coruña,

co fin de estarmos alí ás 18:00 h. para recibir o tren “Follas Novas” e sumarse ao Acto Cívico e Reivindicativo.

A Asociación Cultural Alexandre Bóveda informa que o vindeiro mércores 7 de xullo, terá lugar a inauguración inauguración dunha placa na Rúa Lois Peña Novo, en conmemoración do 90 aniversario da primeira intervención en galego dun político nun acto institucional.