A Asociación Cultural Alexandre Bóveda informa que o vindeiro martes 6 de xullo, terá lugar a inauguración da exposición de fotografía de Ignacio Samaniego “Chiflo”

Será ás 19:30 h, no salón de actos da asociación.

A exposición permanecerá aberta até o 31 de agosto.

 A Asociación Cultural Alexandre Bóveda comunica aos seus asociados e asociadas que o día 2 de xullo (venres), no salón de actos da propia asociación (R/ Olmos 16-18, 1º), terá lugar a asemblea xeral ordinaria de socios da Asociación Cultural Alexandre Bóveda, ás 19:30 h en primeira convocatoria e 20:00 h, en segunda convocatoria, coa seguinte 

ORDE DO DÍA 

1.     Leitura e aprobaciones procede da acta da asemblea anterior.

2.     Informe de xestión do curso 2009.

3.     Informe económico do ano 2009.

4.     Proposta de actuación para o curso 2010-11.

5.     Rogos e preguntas.

A Asociación Cultural Alexandre Bóveda informa que o vindeiro martes 29, terá lugar a presentación do libro Organoloxía de Eva Moreda.

Eva Moreda. Veiga (Asturias) 1981

Licenciada en Filoloxía Clásica e Musicología, actualmente prepara a tese de doutoramento en Historia da Música na Universidade de Londres, publicou xa Breogán de Guisamonde, o cabaleiro da gaivota (1997), coa que conseguiu o premio Rúa Nova 33 que organiza a Fundación Caixa Galicia; O demo e o profundo mar azul (2003), Singularis Domitilla (2004) e O país das bestas (2009). Esta última obra quedou finalista do premio Ánxel Casal da Asociación Galega de Escritores á mellor ficción do ano. Organoloxía estará nas librarías da man de Edicións Positivas desde o mes de maio. 

Será ás 20:30 h, no salón de actos da asociación, con entrada aberta.

A Asociación Cultural Alexandre Bóveda informa que o vindeiro xoves 24 de xuño, terá lugar a derradeira conferencia do Ciclo sobre o cambio climático en conmemoración do Ano Mundial da Biodiversidade que estamos a celebrar no 2010. 

Esta terceira conferencia baixo o título O clima en Galicia, será impartida por Xosé Larrosa, predictor de metereoloxía da Delegación Territorial en Galiza da Axencia Estatal de Metereoloxía. 

Será ás 20:30 h, no salón de actos da asociación, con entrada libre.