A AC Alexandre Bóveda informa do comezo dos cursos previstos para a campaña 2010-11:

SETEMBRO

·        Comezo dos Cursos de xadrez 2010-11, dirixidos por Jelena Kolar, que se desenvolverán os luns, mércores, xoves e sábados, até xuño de 2011. 

A Escola de xadrez Alexandre Bóveda leva funcionando desde 2001 da man da mestra de orixe serbia, Jelena Kolar.Desde os seus comezos, pasaron polas nosas instalacións ducias de nenos e nenas, que ademais de elevar os seus coñecementos de xadrez, fixeron numerosas amizades a ampliaron a súa formación vital.

Actualmente a escola ten dous tipos de cursos:

Iniciación: sábados (11:00 a 13:00h) e mércores (18:00 a 20:00h)

Perfecionamento: luns e xoves (18:00 a 20:00h)

Os alumnos e alumnas poden escoller, sempre dentro do seu nível, vir un día á semana (20 €/mes) ou vir dous días á semana (40 €/mes).

Para calquera información ou aclaración poden poñerse en contacto coa monitora no horario dos cursos.

 ·        Comezo do Taller de teatro 2010-11, dirixido por Xoán Carlos Mexuto, que se desenvolverá todos os mércores, ás 20:30h., no salón de actos da agrupación.

 Taller estable de teatro no que calquera interesado pode apuntarse de xeito gratuíto, tendo como única obriga darse de alta como socio da nosa entidade.

A Asociación Cultural Alexandre Bóveda informa que o vindeiro mércores 23 de xuño, terá lugar a tradicional Xuntanza de San Xoán da nosa entidade.

 Será a partir das 21:00h.  no Mesón Paredes (enfrente a asociación) e como sempre teremos oportunidade de compartir unhas sardiñas para darlle paso o verán.   

A Asociación Cultural Alexandre Bóveda informa que este xoves 27 de maio, terá lugar unha proxección de fotografías sobre o País Valencià a cargo de Roberto Catoira Viñán.

Será ás 20:30 h, no salón de actos da asociación, con entrada libre. 

A Asociación Cultural Alexandre Bóveda informa que o vindeiro martes 18 de maio, terá lugar a inauguración dunha exposición de pintura a cargo de Salvador Laiño. 

 Será ás 20:00 h. no salón de actos da asociación, e estará aberta no horario habitual de 16:30 a 20:30h. até o dous de xuño.